Kachin ramkulh, Lwaikye khua zudawr ah zu a caw i a dingmi Kachin kan unau minung 10 cu zu chia an din ruang ah a thi, tiah theih a si.
Aung Chian Thar sang ah Tuluk nih an tuahmi zu cu January 1 ah kan an cawk i an ding hna. Cu zu a dingmi lak ah minung 10 cu an thi.
Zu an dih lecangka hin an mit khua a maw. An thachuah a har i sizung ah an kalpi hna.
Sizung ah an chiahmi hna lak ah minung 10 hi an thi cang i atu minung 2 hi an thlop hna lio a si. Mah pahnih hi cu dam lei an panh cang.
Zu an din dih hnu ah an mi a maw. An kutke a dawh hna. A zaan khatnak ah khan minung 6 an thi. Cu hnu cun minung 4 an thi chap. Minung 2 lawng hi an luat, tiah mibawmtu pakhat nih a chim.
Tuluk dawr i zu pawl cu din lo ding in palik nih an kham cang. An zu vialte palik sakhan ah ap ding zong in an ti hna.
