Yangon khua, Hlaing peng chung ah a ummi Dinti thiang sehzung in sivai tha lo khu a chuah caah pawngkam ah a ummi minung 40 sizung ah kuat an si cang.
Hi thil a can hi atu zan nazi 9 hrawng khan a si. Hlaing sang number 16, Ohcin lam ah a ummi sehzung in hi sivai khu tha lo a chuah hi a si.
Mibawmtu hna nih Kawl media ngan pawl sin ah an chim ning ah cun mah Dinti thiang sehzung i pipe a kuai i cu ruang ah cun Amonia sivai khu a chuak tiah an ti.
Mah Amonia khuvai aa dawp sualmi hna cu thaw chuah har le mithli tlak in an um len hna i atu hi sizung ah an kalpi thluahmah ko hna.
