January 21 ah Yangon ramthen, North Okkalapa ah a ummi Ngwetaung timi rawldawr riantuantu hna nih an tlaih i an thahmi PDF ralkap pate cu aho a si timi theih a si cang.
Hi PDF ralkap hi Freelance Attack Force (FLA) ah ralkap a tuan liomi Thar Din a si.
Ngwetaung rawldawr pawng ah a ummi uknak zung bomb in an cheh lio ah rawldawr riantuantu pawl nih an dawi i an tlaih khawh. A hawipa belte a zam kho.
Mah rawldawr ngeitu chungkhar ah hin SAC ralhrang ah ralbawi a tuan liomi a um ti a si.
Atu ah mah Ngwetaung rawldawr i an dawr zong an ong ngam ti hna lo. Atu bantuk in PDF ralkap an tuah hnu ah thah kan tong lai ti an phang i rawldawr zong an khar cang.
