Fa ngei cia Kawl nutung pakhat nih a ttale aa rawih hna i khua khat nungak no, a dawh nawnmi te cu innlam an vung fenh i lak awktlak lo in bia in an den. Video zong an thlak chih.
Hi Kawl nutung nih nungak nute a puhmi cu “Fa ngei cia ka vapa na lem i, na ihpi,” ti a si. Nungak nute hi thil sining a thei lomi a lo. Pa nih hin patung a simi chim hlah sehlaw a dawh.
A va a pohpianmi nutung nih cun nungak nute cu “Hlawhhlang nu, ka vapa he hin phungning tein sachoh he aa ummi kan si. Ca na kuat i na auh. Ni thum chung na ihpi. Hlawhhlang nu. Na veiter peng,” tiah lak awktlak loin a phomh len.
Cuti a ti len lio ah cun nutung nu i a ttale nih video an thlak. Online ah an tar. A thangchait duh hrimhrim ah a si.
Nute cu kaa khat zong holh loin khuaruahhar ngaiin a ummi a lo. A hun celh ti lo i, a thut buin a ai. “Chuak U” tiah a inn in a thawl hna. An chuak hlei lo.
Hi bantuk thil a can tik ah hin “Nu pawl rumro hi maw mah bantuk hin sual kan phawt hna lai. Nute nih hin a darling (patung a phohpianmi pa) hi nupi le fa ngei a simi thei hlah sehlaw a dawh. Amah tu hi hlen tong sehlaw a dawh ko.”
