December 14 ah Shan ramkulh, Kungthar khuate ah a cangmi SAC ralhrang le TNLA kahdohnak ah ralhrang ruak 15 an char than, tiah theih a si.
Ralhrang ruak 15 an char pin ah ralhrang pahnih zong an nung in an tlaih chap hna.
Kungthar khuate in SAC ralhrang pawl an chuah hnu ah TNLA nih khuachung thianhnak an tuah i ralhrang ruak pawl an hmuh hna hi a si.
SAC ralhrang nih Kungthar khuachung ah suingun chawva an fir pin ah inn zong an khangh hna.
December 7 in 13 tiang Kunghtar khua ah kahdohnak a chuak i, SAC ralhrang nih inn 9 an khangh.
Kungkhar khua pawng Namsam khua zong ah TNLA nih SAC ralhrang ruak 47 an nizaan khan an char i, ralhrang 24 zong an nung in an tlaih cang hna.
