Tedim peng ah kum 20 a simi nungak pakhat cu kum 17 lawng a si rih tlangval no pa nih a tlaihhrem hnu ah a thah tiah theih a si.
Hi thil a cannak khua hi Tedim peng Kateel khua ah a si i, nungak Huai khek cu khua khat Man Sian Thang timi pa nih a tlaihhrem hnu ah a thah ti a si.
December 2 zaan nazi pariat hrawng ah a pa he mei a tomi Huai Khek cu Man Sian Thang nih a auh i a zulh.
Asinain mah zaan ah nungak Huai khek cu inn ah a tin ti lo. A thaizing zingka ah khuachak ramlak ah Huai Khek cu taklawng in le a takpum ah tukvelhnak hma khat in a thihmi an hmuh.
Nungak nu zaan ah a kalpi tu Man Sian Thang hi a tlau i Mizoram lei ah a zaam tiah an theih.
Man Sian Thang hi ahlan zong ah Mizoram ah ritsi tonghtham ruang ah thong a tla lengmangmi a si tiah an ti. Atu tiang an tlai kho rih lo.
