Nihin chun ah khan Tahan khua, Wesley sizung lei kalnak lamton ah SAC ralhrang nih minung pakhat meithal in an kah caah a nunnak a liam.
Zinglei nazi 10:30 hrawng ah khan CDF-KKG nih Tahan lamton (Traffic Light) zawn ah a ummi SAC ralhrang pawl cu CDF-KKG nih an luh hnawh hna.
CDF-KKG ralkap pawl nih Tahan Traffic Light ah a ummi SAC ralhrang pawl cu kah ding in an kal hnawh hna lio ah SAC ralhrang pawl nih an hmuh hna i an zaam.
SAC ralhrang nih an meithal pakhat le kuan pawl zong an zaamtak caah CDF-KKG nih an lakpiak hna.
Cu hnu tlawmpal ah SAC ralhrang thazaang 30 hrawng in an rak ra than i, meithal kahthlorh in an kah caah motorcycle aa citmi pa pakhat an khen i lamkam ah a cycle he an ril.
Meithal in an kahmi pa hi Kalaymyo peng Laimi tampi an umnak Pinkhungkyi khuami a si. Aho a si timi a min belte fiang in an thei kho rih lo. Laimi a si lai tiah zumh a si.
