Nihin chun ah khan Tahan khua, Wesley sizung lei kalnak lamton ah SAC ralhrang nih Chin pa Pu Thain Zei Thang meithal in an kah caah a nunnak a liam.
Zinglei nazi 10:30 hrawng ah khan CDF-KKG nih Tahan lamton (Traffic Light) zawn ah a ummi SAC ralhrang pawl cu CDF-KKG nih an luh hnawh hna.
CDF-KKG ralkap pawl nih Tahan Traffic Light ah a ummi SAC ralhrang pawl cu kah ding in an kal hnawh hna lio ah SAC ralhrang pawl nih an hmuh hna i an zaam.
SAC ralhrang nih an meithal pakhat le kuan pawl zong an zaamtak caah CDF-KKG nih an lakpiak hna.
Cu hnu tlawmpal ah SAC ralhrang thazaang 30 hrawng in an rak ra than i, meithal kahthlorh in an kah caah motorcycle aa citmi kan Chin mi pahnih an kah hna i Pu Thain Zei Thang hi a hmun ah a thi. A dang pakhat hliamhma he a zaam kho.
Pu Thian Zei Thang hi Pinkhungkyi khuami a si. A ruak zong khua ah an phakpi cang tiah theih a si.
