Saudi Arabia ram i Football Club pakhat nih tangka tampi in Messi an hlanmi cu Messi nih a lung a tling cang, tiah theih a si.
Saudi Arabia rami Football Club pakhat a simi Al-Hilal nih Messi cu kum khat ah $400 million in cawk ding in bia an i ruah.
The Telegraph thawngzamhnak nih a chim ning ahcun Messi nih hin PSG i a contract a dih hnu in Al-Hilal ah i ṭhial ding in a lungtling cang tih a ti. Asinain, contract ngaingai an tuah rih lo.
Saudi Arabia ram i Football Club pakhat a simi Al-Nassr FC ah Ronaldo hi a chuih cuahmah lio a si ve.
Ronaldo hi Al-Nassr nih kum khat $210 million an pek i, Messi hi Saudi Arabia ah aa ṭhial a si ahcun Ronaldo nakin let khat in a man a fak lai.
Atukum June thla ah hin PSG le Messi karlak Contract an tuahmi a dih cang lai i, cu hnu cun Al-Hilal Club ah i ṭhial ding in Messi a lungtling tiah theih a si.
