Hi kum upa a si cangmi hringtu nu hi zaangfak ngaingai a si. PDF ah a tlami a fale pasal lawngte pathum nih an thihtak.
Hi nu hi a min ah Daw Aye tiah an auh i kum 65 a si cangmi a si. A fale pathum ning in SAC ralhrang nih an thah hna.
December 27, 2022 ah khan Sagaing ramthen ah a ummi Alaysuh khuate cu SAC ralhrang nih an luh hnawh i pa paruk le nu pahnih an rak tlaih hna.
An tlaihmi hna minung 8 cu SAC ralhrang nih an hrem hna hnu ah an thah hna.
Hi an thahmi hna minung 8 lak ah hin Daw Aye i a fale pathum an i tel ve. An min cu Ko Aung Ko, Ko San Naing le Maung Nay Myo Aung an si.
An unau pathum tein an thah hna caah hringtu nu Daw Aye caah cun ngaih a chia hringhran ko.
