NLD khua tiah an timi Depayin peng ah SAC ralhrang le an hnuzul pyosawhti pawl nih khua pakhat ah phungki pakhat a hrom ah naam in an aah i an thah.
Depayin peng, Kwai khuate ah ralhrang le an hnuzul pyosawhti pawl cu nihin zinglei ah an phan i phungi pakhat, nu pakhat le PDF ralkap pahnih cu an thah hna.
Nu pakhat hi a lu ah meithal in an kah. PDF pahnih hi cu an i kahnak ah a nunnak a liammi an si.
Khuami nih an chim ning ah cun ralhrang le pyosawhti pawl hi zingka te ah khuachung ah an rak lut i phungki inn an kal hnawh hmasa.
Cuka ahc cun Buddhism biaknak cawnnak lei ah BA a hmumi Ashin Rakandathara cu a hrom an aah i an thah colh.
SAC ralhrang le pyosawhti pawl nih khuachung inn 50 hrawng zong an duahpiak dih chap hna.
