Pegu ramthen chung ah KNLA/PDF fonh ralkap hna le SAC ralhrang karlak kahdohnak fak ngai in a chuak i ralhrang minung 30 leng an thi.
Nizan August 9 ah khan Pegu ramthen, Thaminkung khuate ah kahdohnak a chuak i ralhrang tam tuk an thih pin ah meithal zong tam taktak PDF le KNLA nih an lak.
Ralhrang a thimi hna ruak pawl cu anmah an hawile ralhrang zong nih lak loin cuticun an kaltak ko hna.
Nizan zinglei sml. 4:00 in an i kap i zaanlei pi tiang bak kahdohnak a rau. Cu i kahdohnak ah cun PDF in pasal pakhat nih ram le miphun caah a nunnak a pek ve.
Hmanthlak ah a lang dih lomi he meithal an lakmi hi a tam ngai. Machine Gun, MA meithal, Drone Jammer tiin meithal an lakmi hi a zapi ah zun 24 a si.
