Kawlram cu nithin in tihnung mithahnak a chuak lengmang ko cang. Atu zong ah fa pahnih a ngeimi kum 30 nutung pakhat cu pa pahnih nih an tlaihhrem hnu ah an thah than.
Hi thil hi Shan ramkulh, Lohkaing khua ah a cangmi a si. December 1 ah khan pa pahnih mah nu hi an tlaihhrem hnu ah an thah.
A ruak hloh ding in tithannak plastic bawm chung ah an ruak cu an rawn. Pa pahnih le thah a tongmi nu hi Campony pakhat ah rian a tuan timi an si tiah an ti.
Tlaihhrem mithat tu pa pahnih hi Kokang palik nih an tlaih khawh cang hna. Hi bantuk sualnak a tuahmi pawl hi Kokang ralkap nih cun thihdan an pek tawn hna.
Atu pa pahnih zong hi thihdan pek in mi zapi hmaika ah meithal in an kah te men hna lai tiah an zumh.
