Nizan December 14 ah Tuluk nih Zhuque-2 timi rocket Van ah a kah i tlamtlinnak hmu loin Vancung ah a tlau.
Nizan zinglei sml. 3:33 ah Tuluk nih Zhuque-2 Rocket cu a thlah. Vawlei in Van ah a kai ko nain mit in hmuh khawh lonak hmun ah a tlau, atu tiang a umnak an thei rih lo.
Hi Zhuque-2 rocket hi methane-liquid oxygen hmang in an zuantermi a si i, vawlei lei ah a run tlak cun atu bantuk ceu hi Methane dat ruang ah a chuahter khawh tiah an ruahdamh.
Asinain, micheu nih cun atutan ceu hi December thla ah a chuak tawnmi “Geminid Meteor Shower” a si lai an ti ve.
Myanmar ramchung khua tampi ah hmuh a si. Chin ramkulh le Mizoram chung zong ah an hmuh ve hna. Zeidah a si ngaingai timi theih a si rih lo.
US nih rocket a kah ruang ah timi tu hi cu adiklo mi a si lai. US nih thlah a timhmi SPACEX FALCON 9 cu December 16 ah thlah ding in an timhmi a si. An thlah rih lo.
