Nihin February 19 Kawlram chung kahdohnak hmun pawl ah SAC ralhrang tomtom bak in an thi. A thimi hi ralhrang 80 hrawng an phan cang.
An thih biknak hmun pawl hi Pegu ramthen, Magwe ramthen, Mon ramkulh le Kaya ramkulh ah an si hna.
Pegu ramthen Yetasay kahdohnak ah cun SAC ralhrang 30 bak an thi i, an rauk a phah in aa phahmi video le hmanthlak zong in hmuh khawh a si.
Kaya zong ah KA le KNDF an i bawm i SAC ralhrang tirawl chantu pawl an kah hna i ralhrang 14 a thi. A nung in ralhrang 5 an tliah chap hna.
Mon ramkulh Yetadakyi timi SAC ralhrang sakhan zong Mon hriamtlai MSRO ralkap 40 nih in an luh hnawh hna i ralhrang 15 an thi. An ruak a phah i aa phah ve an ti. A thimi mah nak hin an tam deuh men lai.
Magwe ramthen Kyaukhtuh pawng ah PDF nih SAC ralhrang pawl cu bomb in voi tam taktak an puah hnawh hna pin ah an thluantluang in an kah hna.
SAC ralhrang hi a tlawm bik 25 cu an thi lai tiah an zumh. Nihin lawng ah SAC ralhrang a thimi hi 80 hrawng bak an si. HAPPY CHIN NATIONAL DAY.
