Nihin January 15, zinglei sml. 9:00 hrawng in aa thawkmi SAC ralhrang le CDF-Matupi karlak kahdohnak ah CDF-Matupi ralkap pakhat a tlau, tiah CDF-Matupi nih thawng an thanh.
Thazaang 100 hrawng a simi SAC ralhrang nih CDF-Matupi Battalion (2) hmunram a simi Hakha-Matupi lam cung i Ngalai khuate an lut caah kahdohnak a chuah hi a si.
Kap hnih kahdohnak ah SAC ralhrang pakhat a thi i, CDF-Matupi ralkap pakhat hi a tlau caah atu tiang nunhim in a um le um lo fiang in theih a si lo, tiah an langhter.
Matupi peng chung i SAC nih phone line an thah dih caah pehtlaihnak zong a har ngai i thil sining fiang in theih zokzok khawh a si lo.
