SAC ralhrang nih ralkap caah hman an timhmi hna ngakchia tete cu TNLA nih Shanram ah an khamh hna tiah theih a si.
Hi ngakchia tete hi SAC ralhrang kut tang ah rian a tuanmi Jayan Pyituhsit nih ralkap tuanter ding in an tlaihmi hna a si.
TNLA nih Jayan khua cu an luh hnawh i, SAC ralhrang Pyituhsit nih an rak tlaihmi hna minung 127 an khamh hna.
Hi chung ah hin kum 17 in kum 8 karlak ngakchia tete minung 20 bak an i tel. Pyituhsit nih raldoh an cawnter hna pin ah fialchukcho ah an hman hna.
Atu cu an i vantha tuk. TNLA nih an khamh hna i anmah le chungkhar sin cio ah an kirter hna lai.
