Nihin zinglei ah Aizawl le Zokhawthar karlak ah motor lehnak a chuak i a thimi lak ah kan Laimi nau pawi lio nutung no pakhat aa tel ve ee.
Motor hi lam a cin ruang ah a kee a nal i, lamkam tilu kuang lak ah a vai i nok. Fak ngaiin an i let. An motor zong a sop dih.
A hmun ah minung 3 an thi colh i, a dang pahnih hi sizung an phakpi hna hnu ah an thi. A thimi zapi hi minung 5 an si.
Motor chung ah hin minung 8 an i cit. An Driver le kum 2 ngakchia pate pakhat telh in minung 3 hi sizung ah an chiah hna.
A thimi lak ah Par Tha timi naupawi lio kan Lainu zong aa tel. Aa khawng vemi kum 2 ngakchia pate hi Par Tha i a fapa te a si. A nu nih cun a thihtak.
A dang a thimi pali hi Thian Lian Ceu, Mung Sian Dong, Gin Sian Khup le Lal Lung Hnem an si.
Hi motor aa citmi hi kanmah Chinmi lawngte si dawh an si. Minung 5 a thimi lak ah nu pakhat le pali an i tel hna.
