January 23 ah khan Malaysia ram ah mifiarpa nih innchungkhar pakhat hna inn ah a lut i thilri fiar a timh nain innchung i zuu an chiahmi a din caah a thlep i, fawi tein an tliah khawh.
Thil sining cu hitihin a si. Kum 66 a simi tarpa te inn chung ah mah mifiarpa hi zaantim ah a lut.
Hi inn ah hin kum 66 tarpa le a nupi an um pin ah an fale minung 4 zong an um. Mifiarpa zaantim ah an inn ah a lut cu an rak thei lo. Dai tein an rak i hngilh ko.
Asinain, coka ah an chiahmi zuu cu mifiarpa nih a rak din. Zinglei ah inntek pawl an thawh tik ah cun hmanthlak chung bantuk hin mifiarpa cu coka tuanglai ah a rak thlep ko.
An coko cu mifiar nih a rak tlok dih cikcek ve. Mifiarpa a ihnak tuanglai pawng ah zuu thawl pahnih, phone pakhat, changreu le namte pahnih a ummi zong an hmuh.
Inntek chungkhar nih palik an auh hna. Palik an rak phak tik zong ah mifiarpa hi a thawh a tho kho lo. Voi tampi an hlauh nain aa thang lo.
Ahnu ah an hun tthangh khawh. Hi pa hi kum 41 a simi pa a si. Motorcycle in mahka inn ah hin zaan ah a rak ra i thil fiar a timh nain zuu a din caah tlaih a tong ko teh.
