December 16 ah khan Malaysia ram, Selangor ah vawlei cimhnak a chuak i minung tampi an thi nain vawlei cimhnak hmun ah a riak vemi Laimi pahnih cu Pathain thawng in an luat.
Vawlei a cimhnak hmun hi Kuala Lumpur he meng 30 hrawng a hlatnak Genting Highlands timi hmun ah a si.
Kum 35 a simi kan Laimi Thawng Uk le kum 31 a simi Kung Tuang hi vawlei a cimh lio ah an rak um ve. Asinain, an zaam manh.
“Innpa nih a kan hlauh i kan zaam manh. Tih a nung tuk. Mah bantuk cu ka hmu ballo. Saimahrang in kan zaam caah zei thil hmanh kan i chuahpi kho lo. I dornal le ti le rawl hmuh ding in mi kan hal chom hna,” tiah Thawng Uk nih Reuters thawngzamhnak sin ah a chim.
Cu vawlei cimhnak ah cun minung 24 an thi. Nu pakhat le ngakchia 2 zong an i tel tiah Malaysia cozah nih an chim.
