Tu zaan cu Malaysia lei in thawngpang chia a hun thang than. Kuala Lumpur khuachung ah Chinmi tampi an umnak hmun ah palik nih an luh hnawh hna.
Hika zawn hi Imbi sang a si i, ramdangmi le Chinmi tampi an umnak a si. January 6 zaan nazi 12 hrawng ah Malaysia lahwahkah nih tlaihkhihnak an tuah.
Tlaihkhihmi chung ah kan Laimi zong tampi an i tel kho men tiah an zumh. Pathian nih kilveng hram ko hna seh.
Malaysia ummi kan Laipa pakhat nih hitihin a tial-
“Ram dangmi le Chin ralzaam tampi kan umnak Imbi sang (Kuala Lumpur) ah January 6 zaan suimilam 12 hrawng in Malaysia cozah Immigration (lahwahkah) nih thlaikhihnak an tuah (Operasi an lut).
Theih khawh tawk chung ah Chin ralzaam tampi tlaih an tong. Kan umnak sang cio zong ralrin ngai kan hau,” tiah a ti.
