Dohthlennak aa thawk ka in Mizoram ah hin Assam Rifile ralkap nih kan miphun ralkap pawl meithal le bomb sernak pawl hi an rak tlaih piak zungzal cang hna.
Atu zong hi Lawngtlai ah bomb sernak thilri le ralkap thilthuam pawl an tlaihpiak than hna. Report tu an um ti a si.
Report tu an um caah Assam Rifle ralkap bu nih Lawngtlai peng, Kakichhua khuate ah an kal i inn pakhat chung ah mah thilri pawl hi December 27 ah an tlaihmi a si.
Bomb sernak a thluan/chang 48, detonator 73 le bomb puahnak ah an hmanmi bombhri tibantuk pawl hi an tlaihmi cu an si hna.
An tliahmi thilri pawl hi Bungtlang palik sakhaan ah an ap hna. Bomb sernak le ralkap thilri pawl cu an tlaih nain tlaih a tongmi minung an um lo tiah an ti.
