Sagiang ramthen, Natmahohkyi khuate ah a ummi khuami minung 8 cu SAC ralhrang nih fak tuk in an hrem hna hnu ah an thah than hna.
Kan hnulei November 28 ah khan SAC ralhrang pawl nih hi khuami 8 hi an rak tlaih hna i, an kut an leh hna hnu ah an hrem an hrem hna i an thah hna.
Thla khat a ruah hnu nihn Christmas ni ah an ruak hi an khua pawng ah an rak phummi hna cu an hmuh.
Minung 8 lak ah pahnih hi an lu an tan hna. A dang minung 6 hi ruapum in an thih tiang in an tuk hna.
An thahmi pawl an phum hnanak hmun hi a hram thawk ah cun khuami nih an thei kho lo.
SAC ralhrang pakhat zurit buin khua lei ah a rak ra i an hal hnu ah a chimh hna. Cu dih cun khuami nih an ruak cu an hmuh hna.
Thah a tongmi pawl hi kum upa cangmi pa lawngte an si hna. Kum 60 cung minung pathum zong an i tel ve.
