SAC ralhrang a domi chung in aluancia kum khat, nihin ni caan thengte ah ram le miphun caah a nunnak a pemi Chin ralsaltha pathum philhnak cu Thantlang commondo nih an hunter.
Nikum 2021 December 8 ah CDF-Thantlang Commando ralkap pathum a simi Salai Ram Lian Peng, Salai Van Tha Ceu le Salai Bawi Za Uk nih an nunnak pek tiang in kan miphun le kan ram caah an nunnak an rak pek.
“(8-12-2022) ni cu CDF Thantlang Commando in Paraltha hna asimi Salai Ram Lian Peng, Salai Van Tha Ceu le Salai Bawi Za Uk nih Thantlang Khuachung kahdohnak ah, Ram le Miphun ca ah An nunnak an pek ni asi. CDF Commando Pasaltha hna nan liamsia herh hlah uh law. Nan tantak mi Ram le Miphun rian cu nan hawi le nih kan vun pehzulh than lai,” tiah CDF-Thantlang commando nih baikamnak an ngei.
Ramleng ummi hna zong nih kan ralkap pawl hi bawm thluahmah rih hna u sih. Anmah hmanh lungdongh loin nunnak pek ngam in an doh ngam ah cun kanmah chinchin nih cun kan bawmh peng hna awk a si ko.
Chungkhar ton caan December thla hmanh ah ramtang ah umsia remlo le eithaw ei kho loin kan ram caah nunnak a thaap tu vialte upatnak kan pek hna.
