Nizan nai Kayin ramkulh kahdohnak ah SAC ralhrang an bawi lei le ralhrawng rank ngei lo pawl tam taktak an thah hna.
Cu hna lak ah cun ralhrang bawi ngan ngai pakhat a simi Min Maung Maung Hein zong hi aa tel ve.
Anih hi Shan ram ah SAC ralhrang rian a rak tuanmi a si. Naite ah khan Kayin ramkulh ah an kuat ve i, Kayin miphun ralkap le PDF pawl kut in uithih arthih in a thi ve cang.
A rank hi Lieutenant Colonel (Duh Bohmokyi) bak a si. January 4 ah khan Kyar -inn-seikyi khua ah kahdohnak a chuak i a thi vemi a si.
Kya-inn-seikyi ah ralhrang bu thum an lut i PDF le Kayin hriamtlai nih an kulh hna i an den hna. SAC ralhrang nih 100 hrawng an thi lai ti in an zumh.
Khuami pawl nih cun SAC ralhrang nih an miruak pawl motor in atu le atu an i thiar tiah an chim. Tampi an thih pin ah atu hi ralhrang 20 hrawng an tlau rih.
