Nihin hi ramdang lei cu December 25 Christmas kan hman ni a si. Kawlram lei ah cun December 26 a si cang ko.
SAC ralhrang tu nih cun sualnak a ngei lo bakmi khua pakhat cung ah vanlawng in bomb a thlak i vanlawng meithal in a den chih caah khuami 4 an nunnak a liam.
A thimi sualnak ngei lo khuami lak ah minung 3 hi pa an si i, a dang pakhat hi nu a si. Minung 7 zong hliamhma an pu chap fawn.
Hi thil a cannak hmun hi Magwe ramthen, Saw peng Ngyaungkan khuate ah a si. Chun nazi 2 hrawng khan SAC ralhrang nih vanlawng in an kah hna. Inn zong an rawk len hna.
SAC ralhrang cu atu bantuk in sualnak a ngei lomi khuami pawl a thah hna tik ah US le UN mithmuh ah an sualnak a ngan chinchin lai i anmah ca ah a fak chinchin ko lai.
