Matupi peng ah kan Chinmi pa pahnih SAC ralhrang nih an thah hna ningcang a fiang cang. A fak tuk hringhran ko e.
Thah a tongmi pa pahnih cu Pu Lap Lian le Pu Van Bik an si. January 15 ah khan SAC ralhrang nih Matupi peng Ngalai khua ah an thah hna.
Pu Lap Lian hi Mizoram ah a ral a zammi a si. Khua ah a rak tlung tami a si i, SAC ralhrang nih an tlaih hnu ah an thahmi a si.
Pu Lap Lian hi SAC ralhrang nih an thah hlan ah an hrem ta tiah an zumh. Cun a ruak cu inn he an khangh chih.
Pu Van Bik zong hi SAC ralhrang nih an tlaih i, Ngalai thlan hmun ah fak piin an hrem tiah an zumh.
Aruang cu a pum cung ah hin hremnak hma a khat. A hngawng ah nam in an aah pin ah meithal zong in an kah chap.
Pu Lap Lian le Pu Van Bik pin ah a dang mei in khanghmi ruak 4 an hmuh chih nain mah ruak 4 hi cu anmah SAC ralhrang ruak a si lai tiah an chim.
