Tedim lei kan naunu a simi Piang Ngaih Don (kum 24) thi lak in a hremtu Singapore inntek nu cu nihin January 9 ah kum 14 thong thlak ding in dantatnak an pek ve cang.
Hi ziachia nu hi Prema S. Naraynasamy tiah auhmi kum 64 a si cangmi upapi a si.
Piang Ngaih Don thih kong ah inntek minung 3 hi tuanvo an ngei. Atu kum 14 thong an thlakmi nu i a fanu cu June 2021 ah khan kum 30 thongthlak ding in dan an rak tat cang.
Inntek i pa bik hi palik a si. Amah zong nih Piang Ngaih Don hi a hrem ve. Cucaah, palik rian in an phuah i atu hi bia an ceih cuahmah lio a si ve.
A cunglei inntek chungkhar minung 3 nih Piang Ngaih Don cu fak tuk in an rak hrem caah July 2016 ah a nunnak a rak liam.
