CDF-KKG ah miphun le ram caah ralkap a tuanmi Mg Tin Min Ko cu SAC ralhrang doh in ram le miphun caah a nunnak a liam, tiah theih a si.
CDF-KKG nih “Kum 17 lawng a si rihmi Mg Tin Min Ko cu December 11 ah ram le miphun caah a nunnak a pek,” tiah cathanh an chuah.
December 10 zong ah khan Kalay peng Hmyauksay khua in a chuakmi SAC ralhrang palik pawl cu CDF-KKG nih an kah hna i ralhrang 3 a hmun ah an thi. A dang ralhrang 3 hliam fak ngai an pu hna.
Atutan a nunnak a liammi Mg Tin Min Ko hi zei bantuk kahdohnak ah dah a thih timi fiang in an langhter lo.
” Mg Tin Min Ko nih dohthlennak caah a pum aa peknak cung ah upatnak kan pek i, tantakmi chungkhar ngaihchiatnak kan in hrawmpi hna,” tiah CDF-KKG nih an langhter.
